![Βριλλ (νγάρκεσε ελεκτρίκε)](https://gjuhaezogut.wordpress.com/wp-content/uploads/2024/05/download-5.png?w=640)
Νϊὲ φόρτσὲ ι λάσστὲ
κϊὲ μὲ χελκ παφουνδὲσίσστ
νὲ πανϊόχουρὲν.
No comments on Βριλλ (νγάρκεσε ελεκτρίκε)
Νϊὲ φόρτσὲ ι λάσστὲ
κϊὲ μὲ χελκ παφουνδὲσίσστ
νὲ πανϊόχουρὲν.
Κουρ τι θούχετ σε:
«μὲ θα νϊὲ ζογκ τὲ βόγκὲλ,»
σσιχ νὲ συτ’ εδέ
πύε άτα μος φλάσιν
εδέ γκλϊούχεν ε ζόγκουτ.
Τούβλα εδέ λλατσς,
πύργουτ, βραγκόνὲτ’ εδέ
μούρετ ε ντέτι·
τὲ γκΐθα κὲτο, πὲρ τὲ
μβάϊτουρ τὲ βέρμπὲρ νϊὲ πλακ.
Γϊατρόν ι μάρρὲ
κϊὲ μὲ σίσὲν πὲρκὲδέλ
παπαγάλι β’ζζγκόν.
Μπίε σσι μπούτὲ
μὲ μβύλϊον σι νϊὲ τσέργκὲ
δε μὲ λϊε τὲ φλε.
Ζϊαρμ κϊὲ ντίγκϊετὲ
νδὲ σύτὲ τὲνδ τὲ ῥίμτιτ’
γκϊούανὲ ερρὲσίρὲν.
Νϊὲ βάλ’ ι ερὲς
χαπ εδέ μβύλλ ντερὲνὲ
εδέ μὲ τσσαν τζαμάτ!