Ρόζα

Με κακῐ μπουκουρί,
κϊὲ ε πρεσσκόν ατὲ τὲ βετ’
ε βασιλίσὲς,
δε νϊὲ γκλϊουχὲ ε μὲ πρερὲ
ψε σσπάτα ε τὲ τατὲς.

Ζωνὲ ε μικϊὲσίσὲ

Μικϊὲσία ατϊά,
κακῐ σα μὲ πὲλκϊέν, ῥὲφέϊ
σε ντο τὲ ντόγϊα
εδέ μὲ σσουμ’ τὲ κίσσα
δε σσοκϊὲρίνὲ γϊοτα.

Kϋνίγϊα ε αλτρουίστιτ

Ι κϊόρρι κὲρκόν –
με κὲμβὲν ε πρίσσουρὲ,
με σσκοπ ε καλλάμ
δε με ούτι νδὲ κράχὲ –
στάσιν ι λεωφορείου.

Βὲρτέτα με ντυ κόψιτ

Βὲρτέτα νὲκὲ
χρειάζετ τὲ κουλτόχετὲ,
σι ντο τὲ μπὲνιμ
κουρ νε θέμι ρερρὲτὲ,
πορ σ’ντούχετ’ ας χαρρούαρ.

Ανατομία ε πούθϊες

Ντούκε καψσούαρ’
ε μίσσιτ ε φρούταβε
μὲ τὲ πϊέκουρα,
κϊὲ ε νεκτάριν ε πὲρντάν
σα κάψσον πράπα τ’ ὲμβὲλ.

Κβαντίκὲ ε γκοντίτϊὲς （Ｑｕａｎｔｕｍ ｏｆ Ｓｕｃｃｅｓｓ）

Κουρ τὲ ζγκλΐδϊα σ’ίσστὲ
ε μὲ μάδε σε σσούμα
τὲ πϊέσ’τὲ τ’ ασάϊ,
αχέρα σ’ίσστὲ ε μὲ σσουμὲ
σε νϊὲ πϊέσὲ ε πρόβλημιτ.

Αρετί εδέ Κακΐα

Σι ινδιάνὲτὲ,
κϊὲ καν' νδ' ατό ντυ ούλκρα,
ασστ' ου καμ ντυ μούζατ':
έτϊε κα νϊὲρα πὲρ γκϊάκουν,
νϊατρὲ εδέ πὲρ κουπὲτίμ!